Антон Семенович Макаренко атындағы орта мектебінде біртұтас тәрбие бағдарламасының тәрбие жоспарына сәйкес 1-Мамыр Қазақстан халқының бірлік күніне орай "Баянды бірлік-мәңгілік" "Ұшқыр ой" дебат клубының жетекшісі Ү.Сутенованың ұйымдастырылуымен өткізілді.

Антон Семенович Макаренко атындағы орта мектебінде “Бейбітшілік пен келісім – балалар көзімен” атты тақырыпта бейбіт өмір мен татулықты дәріптейтін ерекше сурет байқауы өтті. Балалар өздерінің суреттері арқылы бейбітшілік, келісім, достық және ынтымақ туралы түсініктерін көркем бейнеледі. Әр сурет – баланың таза жүрегі мен жарқын арманының көрінісі.

Байқау балалардың шығармашылық қабілетін дамытып қана қоймай, олардың бейбітшілікке деген сүйіспеншілігін арттырды.

Антон Семенович Макаренко атындағы орта мектебінде бастауыш сыныптар арасында "7 мамыр - Отан қорғаушылар күні" тақырыбында сынып сағаты өткізілді. Сынып сағаты барысында оқушыларға 7 мамыр-Отан қорғаушылар күні туралы түсінік беріліп, презентация ұсынылды.

Мақсаты: оқушылардың бойында Отансүйгіштік, ержүректілік қасиеттерін дарыту, өз еліміздің тәуелсіздігін қадірлей білуге, оны қорғай білуге тәрбиелеу.

Антон Семенович Макаренко атындағы орта мектебінде 5-11сынып оқушыларымен 7-мамыр Отан қорғаушылар мерекесіне орай "Ер есімі - ел есінде " тақырыбында сынып сағаты өткізілді. Сабақ барысында 7- мамыр мерекесінің тарихымен таныстырылып, сонымен қатар бейнеролик көрсетіліп, оқушылар өлең оқып, қойылған сұрақтарға ұтымды жауап берді.

Мақсаты: өскелең ұрпаққа адамгершілік - патриоттық , азаматтық жауапкершілік сезімдерін ояту, жас ұрпақты Отанын сүюге тәрбиелеу.

Сынып жетекшілер:

10 "А" сынып жетекшісі Ускенбаева З.Б.

7 "Б" сынып жетекшісі Джолымбекова А.С.

Антон Семенович Макаренко атындағы орта мектебінде 2025 жылдың 5 мамыры күні АӘДТ пән мұғалім Әлдибай М. ұйымдастыруымен ҰОС 80 жылдығына ҚР Қарулы Күштерінің 33 жылдығына орай мектепішілік сапта жүріп ән айту байқауы өткізілді. Байқауға 6-9 сынып оқушылары белсенді түрде қатысты. Байқау жоғары деңгейде ұйымдастырылып, 8"б" сынып оқушылары үздік деп танылды. Қатысушылар ән айту барысында саптық қозғалысты шебер көрсете білді.

Мақсаты: оқушылардың патриоттық рухын көтеру және саптық дайындық элементтері арқылы тәртіп пен ұйымшылдыққа баулу..

Антон Семенович Макаренко атындағы орта мектебінде жеңісті жаңғыртуға күш салған ерлігі дастан аға буынның көрсеткен ерлігін жас ұрпаққа насихаттау, жас ұрпақтың бойынан ҰОС ардагерлеріне, Отан қорғаушылар бейнесіне, әскери дәстүрлерге және әскери қызметке деген құрметті қалыптастыру, Отан сүйгіштікпен көпұлттылықты, өскелең ұрпақты туған елдің тарихын құрметтеуге тәрбиелеп, өнерлі оқушыларды анықтап, сахна өнеріне баулу мақсатында ағымдағы жылдың 5 мамыр күні мектебімізде 1-4 сынып білім алушылары арасында «Ерлік- елге мұра, ұрпаққа үлгі» атты тақырыпта патриоттық әндер байқауы өтті. Байқауда талапкерлердің әнді орындау шеберлiгiне, әннiң оранжировкасына, сахна мәдениетiн игеруіне, киiм кию үлгісіне назар аударылды.Байқау соңында әнді нақышына келтіріп орындаған оқушыларға мектеп директоры А.Тунгатаров пен директордың оқу ісі жөніндегі орынбасары Мықтыбекова Жамал Жаппаровна дипломмен марапаттады.

Антон Семенович Макаренко атындағы орта мектебінде 9 мамыр мерекесіне орай "Ұрпаққа ұлан болған ұлы жеңіс" атты тақырыпта сынып сағаты өткізілді.

Мақсаты: Оқушыларды адамгершілікке, Отанын сүюге, оны қорғауға баулу. Отанға деген сүйіспеншілігін арттыру. Оларға патриоттық тәрбие беру. Оқушыларды Ұлы Отан соғысымен,сол соғыста жеңіске жеткен қазақстандықтардың ерлік істерімен таныстырып, ой - өрісін дамыту.

Сынып жетекшілер:

9"ә"сынып жетекшісі Тлеубердиевв К.

10"а" сынып жетекшісі Ускенбаева З.Б.

8"ә" сынып жетекшісі Ертаева Ж.

6"б" сынып жетекшісі Жадрасинова Н.

Антон Семенович Макаренко атындағы орта мектебінде 9 мамыр мерекесіне орай "Ерліктіңжарқын беттері" атты тақырыпта сынып сағаты өткізілді.

Мақсаты: Оқушыларды адамгершілікке, Отанын сүюге, оны қорғауға баулу. Отанға деген сүйіспеншілігін арттыру. Оларға патриоттық тәрбие беру. Оқушыларды Ұлы Отан соғысымен,сол соғыста жеңіске жеткен қазақстандықтардың ерлік істерімен таныстырып, ой - өрісін дамыту.

Сынып жетекшілер:

3"ә" сынып жетекшісі Нурадинова А.

3"б" сынып жетекшісі Бакалкина С.

Антон Семенович Макаренко атындағы орта мектебінде 9 мамыр Ұлы жеңістің 80 жылдығына орай Б. Маткалыкова мен Ж.Жанатаеваның ұйымдастыруымен "Ерлік-елге мұра, ұрпаққа үлгі"атты тақырыпта дөңгелек үстел өткізілді.

Мақсаты: Оқушыларды адамгершілікке, Отанын сүйюге, оны қорғауға баулу. Отанға деген сүйіспеншілігін арттыру. Оқушыларға патриоттық тәрбие беру. Оқушыларды Ұлы Отан соғысымен, қазақстандықтардың ерлік істерімен таныстырып, ой-өрісін дамыту. Оқушыларды үлкен адамдарды сыйлай білуге , оларды қадірлеуге тәрбиелеу.

Антон Семенович Макаренко атындағы орта мектебінде 9 Мамыр — Жеңіс күніне орай мектебіміздің оқушылары үшін мұражайға саяхат жасалды.

Бүгін олар қаламыздағы тарихи-өлкетану музейіне саяхат жасап, Ұлы Отан соғысына арналған экспозициялармен танысты. Саяхат барысында оқушылар соғыс жылдарындағы батырларымыздың ерлігімен, майданда қолданылған қару-жарақтар мен жауынгерлердің күнделікті тұрмысы жайлы құнды мәліметтер алды. Эскурсия жетекшісі оқушыларға музей жәдігерлері жайлы қызықты әрі танымдық мағлұматтар берді. Бұл саяхат балалардың бойында отансүйгіштік, тарихқа деген құрмет пен мақтаныш сезімін оятты. Оқушылар ата-бабаларымыздың жанқиярлық ерлігін терең түсініп, Жеңіс күнінің маңызын шынайы сезіне білді.

Антон Семенович Макаренко атындағы орта мектебінде 9 мамыр -Ұлы Жеңіс күніне орай "Мың тағзым саған" тақырыбында Жеңістің 80 жылдығына арналған мерекелік іс-шара өткізілді.

Іс-шараның негізгі мақсаты-оқырмандарға Жеңіс күнінің маңызын ұғындыру, майдангерлерге деген құрмет пен алғыс сезімін ояту, бейбіт өмірдің қадірін түсіндіру болды.

Мерекелік іс-шараға мектебімізге демеушілік жасаған "Тараз химиялық паркі" арнайы экономикалық аймағы басқарушылық компаниясы акционерлік қоғамының басқарма Төрағасы Мукамбеткалиев Қайрат Кенжебекович келіп қонақ болды. Іс-шараға патриоттық өлеңдер оқылып, әндер мен билер орындалды. Сонымен қатар, мектеп кітапханашысы тақырыпқа сай кітап көрмесін ұйымдастырып, қатысушылар назарына ұсынылды.

2025 жылғы 9 мамыр күні Жеңіс күні мерекесіне орай Шу қаласындағы Сәду Шәкіров ескерткішіне аудан әкімі мен білім саласының өкілдері, мектеп мұғалімдері гүл шоғын қойып, Ұлы Отан соғысында ерлікпен қаза тапқан жауынгерлердің рухына тағзым етті.

Бұл іс-шара – өшпес ерлікті ұлықтау, ел үшін жанын қиған батырларымызға деген құрметтің белгісі. Ардагерлеріміздің ерлігі мен есімі әрдайым ел жадында сақталады.

Антон Семенович Макаренко атындағы орта мектеп жанындағы интернат тәрбиешілері 11 мамыр

- Аналар мерекесіне орай интернат тәрбиешісі Қиялбекова Э ұйымдастыруымен

"Менің анам алтын"атты интернат тәрбиеленушілерімен ата-аналарды қолдау орталығында дөңгелек үстел өткізді.

Мақсаты:Жас ұрпақтың анаға деген мейірімді, сүйіспеншілігін арттыру,үлкенге ізет,кішіге үлгі бола білуге үйрету.

#Аналаркүні#

А.С.Макаренко атындағы орта мектебінде 11 мамыр-Аналар күніне орай

«Әке мен ананың отбасындағы рөлі» тақырыбында 7-8 сыныптар арасында пікірсайыс өткізілді.

Мақсаты:

• Отбасындағы ата-ананың (әке мен ананың) орны мен рөлін түсіндіру;

• Оқушылардың ойлау, сөйлеу, дәлелдей білу дағдыларын дамыту;

• Оқушылардың отбасы құндылықтарына деген құрметін арттыру;

• Пікірсайыс мәдениетін қалыптастыру және қоғамдық пікір білдіре алу қабілетін дамыту.

Ағымдағы жылдың 15-ші мамыр күні мектебімізде «Үздік сынып жетекші – 2025» атты байқау жоғары деңгейде өтті! Бұл шара – шәкірт жүрегіне жол тауып, тәрбиелік мәні зор жұмыстарымен көзге түсіп жүрген сынып жетекшілердің кәсіби шеберлігін айқындайтын маңызды алаң болды. Байқау барысы алты бөлімнен тұрды. Қатысушылар әсем әуенмен сахнаға шығып, көрерменмен сәлемдесті. Әр сынып жетекшісі өзінің ұстаздық жолын, сыныбымен жеткен жетістіктерін әсерлі әрі шығармашылық түрде таныстырды. Қатысушылар өз сыныптарында атқарылған тәрбие жұмыстарын презентация түрінде ұсынып, фотосуреттер мен бейнематериалдар арқылы көрнекі жеткізді.Нағыз кәсіби шеберлік сыналатын кезеңде ұстаздар күтпеген жағдайға тап болған сәттегі шешім қабылдау қабілеттерін көрсетті. Әр сынып жетекші өз сыныптарындағы татулық пен ұйымшылдықты бейнелейтін әсерлі көріністер ұсынды. Ән, би, көркем сөз, сахналық қойылым – ұстаздарымыздың өнерге де жақын екеніне тағы бір мәрте көз жеткіздік. Қорытынды сәтте әділқазылар алқасы жеңімпаздарды анықтап, марапаттарын табыстады. Шара соңында тамаша музыкалық нөмір орындалып, көрермендер ерекше әсермен тарасты.

Антон Семенович Макаренко атындағы орта мектебінде жалпы ата-аналар жиналысы өткізілді.Мақсат:Оқушылардың қауіпсіздігі мен тәртібін сақтау, ата-аналармен түсіндіру жұмыстарын жүргізу.

Антон Семенович Макаренко атындағы орта мектеп жанындағы интернат тәрбиешілерімен 22 мамыр күні "Мектеп ауласындағы қауіпсіздік ережелері" атты интернат тәрбиеленушілермен түсіндірме жұмысын өткізді. Ауладағы қауіпсіздік ережесінің мақсаты: балалар мен ересектердің денсаулығы мен өмірін қорғау жазатайым оқиғалардың алдын алу.

22 мамыр күні А.С.Макаренко атындағы орта мектебінде оқу жылының қорытынды кезеңіне арналған №5 педагогикалық кеңес өтті. Күн тәртібінде маңызды мәселелер қаралды: IV тоқсан қорытындылары, оқушыларының білім сапасының мониторингі;

2024-2025 оқу жылында бастауыш сынып оқушыларын келесі сыныпқа көшіру;

5, 8, 10 сынып оқушыларын аралық емтиханға, 9 және 11 сынып оқушыларын мемлекеттік қорытынды аттестаттауға жіберу;

LS үдерісі аясындағы «Үздік зерттеуші топ» жобасының нәтижелері

«Біртұтас тәрбие» бағдарламасының жүзеге асырылуы

Оқушылардың жазғы демалысын ұйымдастыру: мектеп жанындағы және қаладан тыс лагерьлерге жолдама беру жұмыстары Бірінші мәселе бойынша Оқу жылының соңғы тоқсанындағы оқу үдерісі сараланып, негізгі жетістіктер мен олқылықтар талқыланды. Әр сынып бойынша білім сапасы мен үлгерім көрсеткіштері тыңдалды. Жекелеген пәндер мен сыныптарда білім сапасын арттыру бойынша ұсыныстар енгізілді. Екінші мәселеде бастауыш сыныптар бойынша оқу үлгерімі мен психологиялық дайындық деңгейі сараланып, барлық оқушылардың келесі сыныпқа көшуі мақұлданды. Аралық бақылау нәтижелері мен дайындық деңгейіне сүйене отырып, емтиханға жіберу туралы шешім қабылданды. Жылдық қорытынды бағалар мен дайындық деңгейі негізінде оқушылардың қорытынды аттестаттауға қатысуына рұқсат берілді. Үшінші мәселе бойынша Lesson Study үдерісі бойынша өткізілген «Үздік зерттеуші топ» жобасының қорытындылары тыңдалды. Жоба барысында қолданылған тиімді әдістер мен алынған нәтижелер атап өтілді. Төртінші мәселеде 2024-2025 оқу жылындағы «Біртұтас тәрбие» бағдарламасының орындалу барысы бойынша есеп тыңдалды.Бесінші мәселеде жазғы демалыс кезеңінде оқушылардың бос уақытын тиімді ұйымдастыру, олардың қауіпсіздігін қамтамасыз ету шаралары қаралды. Аз қамтылған және көпбалалы отбасылардағы балалардың қаласындағы және мектеп жанындағы лагерьлерге баруын ұйымдастыру мәселелері талқыланды. Алтыншы мәселеде құқық бұзушылықтар тіркелген немесе тіркелмеген жағдайлар жөнінде мәліметтер берілді. Оқушылардың жүріс-тұрысын бақылау, мектеп аумағындағы қауіпсіздік талаптарының сақталуы, кезекшілік кестесінің орындалуы, бейнебақылау жүйесінің тиімділігі сарапталды. Ішкі істер органдарымен, ата-аналармен және қамқоршылық кеңесімен бірлескен іс-шаралар нәтижесі талданды. Қауіптің алдын алу бағытында профилактикалық әңгімелер, кездесулер, тренингтер мен сынып сағаттарының өткізілуі бағаланды. Жиын барысында әрбір бағыт бойынша нақты шешімдер қабылданып, алдағы уақытқа арналған міндеттер айқындалды.

Антон Семенович Макаренко атындағы орта мектебінде "Оқуға құштар""жобасы аясында Мен оқимын,саған оқуға ұсынамын"тақырыбында 8 сынып оқушыларымен қазақ жазушы С.Мұқановтың өмірбаяны,шығармашылығы туралы мектеп кітапханашысы Б.Исатаеваның ұйымдастыруымен танымды сабақ өткізді.

А.С. Макаренко атындағы орта мектебінде 2024-2025 оқу жылының аяқталуына арналған “ Мектебім, саған мың алғыс!” атты салтанатты жиын өтті. Жиын Қазақстан Республикасының Әнұранымен басталды. Мектеп бітіру салтанатын, мектеп директорының міндетін атқарушы Мықтыбекова Жамал Жапаровна құттықтау сөзімен бастады. Мектептің жетістіктері мен білім беру саласына үлес қосқан ұстаздардың еңбегіне ерекше тоқталып , келер жылға сәттілік тіледі. Жиын қонағы Шу ауданы ішкі саясат бөлімінің басшысы Толегенов Бауыржан Қадырбаевич және мектепті 2005 жылы бітірген 20 жылдық түлектер оқушыларымызға өз құттықтауларын білдірді. Жиын барысында ардагер ұстазымыз Нина Үкітаевна, ата-аналар комитетінің төрағасы Абдуллаев Таджир Максимович да жүрек жарды тілектерін білдірді. Салтанатты шара мектеп оқушыларының концерттік бағдарламасына ұласып, мектеп түлектерінің вальсімен, коңырау соғу рәсімімен аяқталды. Бұл күн - үлкен өмірге ашылған жаңа есік болғандықтан, түлектерге ақ жол , жарқын болашақ, биік белестер тілейміз!